Прп. Андрей Критский (из Пасхального канона)
Видите, видите, яко Аз есмь Бог,
Иже с мертвецы плотию бых мертв,
и во гробе полежах, и мертвыя воскресих,
и Адама оживих властию Своею.
Возсиял еси из Гроба, Свет от Света,
и землю озарил еси Божественным Твоим Светом,
и во аде держимыя мраком Своим Воскресением просветил еси,
вопиющия: слава страшному Твоему Воскресению.
Светоносный сей праздник торжество явися торжества нам:
Пасха честная, Пасха новая, Пасха Господня,
от земли возводящая на Небеса верных,
прежде преднаписанная нам.
Вси языцы, восплещите руками днесь, якоже Давид воспет,
и верно воскликнем, и согласно воспоим:
яко воскресе Христос, якоже прежде рече,
и сущия во гробех мертвыя вся воскреси.
Весна Господня светла и Воскресение, составльшия Пасхи торжество:
сие празднуем таинство, празднолюбцы,
яко Пасха наша Сам пожреся Христос,
великий Пастырь, яко и Овча.
Читайте Пасхальный канон прп.Андрея Критского
в Православной библиотеке на портале Азбука веры
