“Радуйся, Владычице Дево, радуйся, Пречистая!”

Ангел возопи: Вопию Тебе, веселяся, приклони ухо Твое и вонми ми, Божие возвещающу безсеменное зачатие, обрела бо еси благодать пред Богом, еяже никогдаже обрете другая, Всечистая.

evangelieБлаговещение.
Мастерская прп. Андрея Рублёва и Даниила Чёрного. 1408 г.

Богородице рече: Глагол твоих, Гаврииле, глас радованен приемши, веселия Божественнаго исполнихся: радость бо поведаеши и веселие возвещаеши безконечное.

Ангел возопи: Тебе дадеся радость, Богомати Божественная, Тебе, еже радуйся, вся тварь вопиет, Богоневесто: Ты бо едина Мати Сына Божия пронаречеся, Чистая.

Богородице рече: Евы Мною ныне да упразднится осуждение, да воздастся Мною долг днесь, Мною заимствование древнее да дастся преисполнено.

Ангел возопи: Обещася Бог Аврааму праотцу благословитися в семени его языком, Чистая, Тобою же конец обещание приемлет днесь.

Из канона на Благовещение.